Menu
INGO ZIFITE AMASHANYARAZI
931.552
2.629.673
IMIRYANGO YAHAWE INKA
297.230
451.612
INGO ZIFITE AMASHANYARAZI
4.109
31.444
Amafaranga Yinjiye
MILIYONI 374$
MILIYONI 620$
icyizere cyo kubaho
IMYAKA 66,6
IMYAKA 69,6
Urupfu rutunguranye rw'Umwami Mutara wa III Rudahigwa mu mwaka wa 1959 mu Burundi, rwabaye intangiriro y’ibihe bishaririye ku batutsi. Mu myaka 30 yakurikiyeho, Abatutsi bahuye n'ingorane zikomeye barameneshwa, baricwa, ndetse bangirwa kwiga no kubona akazi, haba mu Rwanda no mu buhungiro.
Abatutsi bari baratataniye mu bihugu bitandukanye barihuje bashinga Rwandese Alliance for National Unity (RANU). Uyu muryango warakuze uza kubyara Rwandan Patriotic Front (FPR-Inkotanyi) mu 1987, kandi byagaragaje intambwe ifatika iganisha ku bumwe no kudacika intege.
Mu rwego rwo gushaka igisubizo bitewe na leta y’igitugu yari iriho, FPR-Inkotanyi yatangije Urugamba rwo Kubohora Igihugu mu 1990, igamije gushyira iherezo ku ivangura n’igitugu ikanasubiza ubutabera Abatutsi bari barambuwe, burimo no kwangira abari impunzi gutaha mu rwababyaye.
Bitewe n’igitutu FPR-Inkotanyi yashyiraga kuri leta ya Habyarimana n’ibice bimwe byatangiye gufatwa, ibi byaganishije ku biganiro byabereye i Nsele-Gbadolite ku wa 11, Nzeri 1991. Ibi byaje kuganisha ku gushyira umukono ku Masezerano y’Amahoro ya Arusha ku wa 04 Kanama, 1993, hagati ya Leta y’u Rwanda na FPR-Inkotanyi.
N'ubwo amasezerano y'amahoro yari yarashyizweho umukono, leta y'u Rwanda ishyigikiwe n'ibihugu bimwe na bimwe by’ibihangange mu Burayi, yatangije Jenoside yakorewe Abatutsi. FPR-Inkotanyi yahinduye intego yari ifite yo kubohora igihugu, ishyira imbere guhagarika jenoside no kurokora Abatutsi bicwaga. Iyicwa rya Perezida Juvenal Habyarimana ku wa 6 Mata 1994, ryatumye urugomo rwiyongera, bituma Abatutsi bicwa hirya no hino mu Rwanda.
Mu gihe cy’iminsi 100 gusa, Abatutsi barenga miliyoni bari bamaze kwicwa. Abasirikare bashamikiye kuri FPR-Inkotanyi bafashe Kigali Ku wa 04 Nyakanga 1994, jenoside irahagarikwa.Hashyizweho Guverinoma y’Ubumwe bw’Abanyarwanda iyobowe na Perezida Pasteur Bizimungu, ikaba yari irimo amashyaka atarijanditse muri jenoside. Mu 2000, Perezida Bizimungu yareguye, hanyuma Paul Kagame atorwa n’Inteko Ishinga Amategeko hamwe nabagize guverinoma kuba perezida w’inzibacyuho mu gihe cy’imyaka itatu. Ku buyobozi bwa Nyakubahwa Paul Kagame, u Rwanda rwaranzwe n’impinduka zifatika mu bukungu n’imibereho myiza ndetse no mu bya politiki, himakazwa amahoro, ituze n’imibanire myiza.
Icyerekezo 2020 ni gahunda y’iterambere yatangijwe na Guverinoma y’u Rwanda, ikaba yari igamije guhindura u Rwanda igihugu gifite ubukungu buringaniye bitarenze umwaka wa 2020, kandi bwubakiye ku bumenyi.
Icyerekezo 2020 cyatangijwe na Nyakubahwa Paul Kagame mu 2000 ku ntego nyamukuru yo kwita ku nzego zifite aho zihuriye n’ubukungu bw’igihugu hamwe n’imibereho myiza y’abaturage.
Icyerekezo 2020 cyari gifite intego yo kugabanya ubukene, kongera umusaruro mbumbe w’igihugu ku muturage, no gutuma abaturage bagira imibereho myiza. Mu mwaka wa 2020, u Rwanda rwari rumaze gutera intambwe igaragara mu nzego zitandukanye, rugera ku iterambere rigaragara mu bukungu, urwego rw’ubuzima, uburezi n’ibikorwa remezo
+250 788 305 814
+250 789 141 444
+250 788 402 615